البشر عيب البشر والزمان امره عجيب
فيه بعض الناس ماتستحي من ربها
مابقى بالناس حشمه ؟ وما بالوقت طيب؟
والأمور اللي تبعّد بنا نقرب بها
المرض بالجسم يشفى ويلقاله طيب
والقلوب الفاهيه وين نلقى طبّها
ماهقينا والهقاوي تصيب ولآ تخيب
لين ماغصنا البحور ووصلنا غبّها
نعرف نميز حدود العدو من الصحيب
قبل مانعرف وش المشكله ونطبّها
والردى لآزم يجيلك من بعيد وقريب
والبلآ لآخاب ضنك بناس تحبّها
والمراجل ندره ومثل ماتحضر تغيب
والجهاله نار تالع على من شبّها
واللبيب يسوق ركبه على درب اللبيب
مايجمّل هافي اموره وقلب بها
كان صار من الردى عند بعض الناس طيب
مدحي لبعض الرجاجيل يشبه سبّها
والغريب بهالزمان كل شيء اصبح غريب
خالف وعرف وزوّر بها تكسب بها
إن نويت الصدق مالك مع الطيب نصيب
زيف الكلمه على صاحبك وأكذب بها
وإن نصحت الناس من يستمع ما يستجيب
وش فضح قلب الأوادم وشق قربها
صار بعض الناس يلعب سوآة أم الجنيب
ميتٍ قلبه يبي فرصةٍ يهرب بها
والفرص واجد لكن الحيا طبعٍ مشيب
ياكثر ماقلت عايف وانا معجب بها
عيبنا طيب النوايا ولا بالطيب عيب
مير يقدر يكسب الناس من يلعب بها
الله وأكبر والله أكبر ماغير الله حسيب
كل ماتشرق حثال العرب تغرب بها
يوم درّت ناقه الخير رآحوا بالحليب
لين ما عطفت فرسنا وقالوا شبّها
يكبر الموضوع وإن طال أبعيد قريب
أحسن أجنب عن السالفه وأكبّها
